الرئيسية > تخطيط تخبيط > نتيجة كلية التخطيط العمراني ..

نتيجة كلية التخطيط العمراني ..


مرحباً يا رفاق..كيف حال الجميع؟

ظهرت نتيجتنا كأخر نتيجة تعلنها كلية في العالم للتيرم الأول..لقد رفعتها لكم علي سبيل حق الزمالة ..حمل من هنا

تمنياتي بالنجاح للجميع..

أحمد مجدي

About these ads
التصنيفات:تخطيط تخبيط الوسوم:
  1. SIGMA-ZERO
    مارس 20, 2008 الساعة 1:28 م | #1

    دي نتيجة الخمس سنين PDF

    http://rapidshare.com/files/100966327/FURP-FTResult.07.08.rar

  2. مارس 20, 2008 الساعة 1:32 م | #2

    هش ياض من هنا ! :D

  3. مارس 21, 2008 الساعة 5:42 ص | #3

    مكسل أنزل النتيجة :D , انت عملت ايه يا ولدي؟

    صحيح , لسه بكالوريوس هندسة عين شمس مظهرتش :D

  4. مارس 21, 2008 الساعة 9:45 ص | #4

    مرحباً يا نقيب..منور :D
    بالنسبة لنتيجتي فقد حصلت علي خمسة جيد وواحدة جيد جداً..
    جيد جدا كانت في الديزاين طبعاً..ولا أنكر اني كنت مستني امتياز في المادة دي لكن الحمد لله علي كل حال ..
    كده الواحد حدد مستقبله وعرف هو هيخش قسم ايه ..

  5. مارس 21, 2008 الساعة 12:35 م | #5

    أزيك يا أحمد، انتى يمكن متعرفنيش، انا اسمي احمد وجيه، كنت بأدرس عندك في كلية التخطيط العمراني! انا مبسوط ان طلبة الكلية منفتحين على التدوين وبمستوى ثقافي كويس حسب ما هو باين من التدوينة. الموقع بتاعي ممكن يكون عليه حاجات تنفع طلبة الكلية http://ahmedwagih.wordpress.com/ اتمنى لك التوفيق وخلينا على اتصال. أحمد وجيه

  6. مارس 21, 2008 الساعة 2:54 م | #6

    دكتور أحمد وجيه ..مرحباً بك هنا في مدونتي التي يبدو انها تتحول إلي ملتقي رسمي لزملاء دفعتي والدفعات الاخري..
    مدونتك يا دكتور أقل وصف لها هو….ممتازة !
    مدونة علمية تقنية عالية المستوي بشكل احترافي ممتاز !
    ولقد غرقت في تدويناتك التي تشعرك بأنك تقرأ في مجلة علمية أو موسوعة دورية ، وقد عرفت من هناك ايضاً ان حضرتك قد كتبت كتابا هو (استخدام نظم المعلومات الجغرافية والاستشعار عن بعد في التخطيط الإقليمي والعمراني) تراجعه حالياً شركة ESRI الأمريكية تمهيداً لنشره كأول كتاب عربي تنشرة الشركة..وأتمني لحضرتك حظاً سعيداً معهم مع العلم بأنني ساكون من مقتنيي الكتاب بإذن الله فور صدوره..
    دكتور للأسف لم أجد ايميلك في مدونتك ولم يصلني ايضا بالبريد مع تعليقك كما يحدث في المعتاد..فهل تسمح بإرساله لي لأن لدي فكرة أود طرحها علي حضرتك ؟!

  7. Eslam
    مارس 21, 2008 الساعة 4:59 م | #7

    مبروك يا مجدي وعقبال آخر السنة اللي لو مشيت بنفس الطريقة هتظهر آخر أغسطس ..
    عامة مبروك وكل سنة وانت طيب بمناسبة حاجات كتير أوي

  8. مارس 24, 2008 الساعة 1:25 ص | #8

    مبروك يا احمد النجاح , عقبال التخرج إن شاء الله :)

  9. مارس 24, 2008 الساعة 10:00 م | #9

    http://rapidshare.com/files/102080073/FURP.24.03.08.2za3it.El.Kahira.El.Kobra.3adel_nazer.SIGMA-ZERO.rar

    يا بشر اخيرا تخطيط عمراني ليها صوت علي اذاعة القاهرة الكبري

    حمل الان المقابلة الرسمية مع محمد عادل و اسلام الناظر
    الامين و الامين المساعد لكلية تخطيط عمراني تسجيل سيجمااااااااا

    (ياريت يا مجدي لو تدونو)

  10. مارس 26, 2008 الساعة 5:03 ص | #10

    شكراً يا أحمد على تعليقك. الكتاب للأسف مش باينله نشر، وإيزري مش هايطبعوه لأنهم ملقوش حد يراجعه بالعربي. حاولت انشره في الكلية بس الألوان هي المشكلة. هأحاول انشر نسخة ابيض وأسود ومعاها دي في دي عليها الكتاب بالألوان مع بيانات الكتاب وربنا يسهل.

    أحمد وجيه
    ahmed_wagih@yahoo.com

  11. مارس 26, 2008 الساعة 5:06 ص | #11

    على فكرة يا أحمد، انا في عندي محاضراتي ايام ما كنت بأدرس في الكلية قبل ما أستقيل سنة 2003 كنت حاططها علشان الطلبة ينزلوها في صيغة باور بوينت (انا كنت بأدرس مواد النماذج الرياضية، جغرافيا العمران، وتخطيط اقليمي ) هأدور عليها وأحطها على الموقع بتاعي للتحميل يمكن حد من الطلبة يستفيد منها.

  12. Mohamed Mohsen
    أبريل 24, 2008 الساعة 10:55 ص | #12

    من سوء حظ طلبة الكلية ان حضرتك استقلت لأننا بجد كنا هنستفيد من محاضراتك
    و أكيد طبعا حضرتك هتسألني انا عرفت دا منين
    دكتور طارق ابو السعود اتكلم عن حضرتك كتير و عن المرتبة اللي حضرتك وصلتلها الآن
    على فكرة دكتور طارق بيحب حضرتك جدا و بيحكي عن حضرتك كتير
    و دا هيكون من حسن حظنا ان حضرتك هتنزل محاضراتك القديمة على الموقع الخاص بك

  13. يونيو 26, 2008 الساعة 9:50 م | #13

    متأخر جدا لكني مدين بشكر للنقيب واسلام فهمي والدكتور أحمد ومحمد محسن ..فقط !

  14. يوليو 11, 2008 الساعة 10:36 م | #14

    ( فقط ) دي ترمز لمين بالظبط
    سيجما

  15. maher omran
    يوليو 13, 2008 الساعة 7:51 م | #15

    انا عايز اعرف نتيجة تانية تخطيط لعام2008 ياريت حد يفدنى ياشباب شباب مصر

  16. maher omran
    يوليو 13, 2008 الساعة 7:54 م | #16

    ياشباب النتيجة ظهرت ولا لسة

  17. م خالد الشافعى
    يوليو 16, 2008 الساعة 8:14 ص | #17

    الحمد لله انتم شعرتونى انا مازلت فى الكلية الايام الجملية على فكرة انا خريج الكلية دفعة 1991 وبعمل فى هيئة التخطيط العمرانى ولكنى الان بعمل فى السعودية واتمنى لجميع اخوانى الطلبة التوفيق والنجاح

  18. اى حد
    يوليو 16, 2008 الساعة 12:27 م | #18

    ياريت ياجماعه اول مالنتيجه تظهر تانيه تيرم تانى تنزلوها هنا

  19. يوليو 16, 2008 الساعة 12:29 م | #19

    ومنورين ياتخطيط والله ايوه كده اعملوا لنا صوت والناس كلها تعرفنا
    ياللا ربنا معاكوا وان احتاجتوا اى حاجه محدش يقول ههههههههههههههه

  20. ahmed kamal
    يوليو 21, 2008 الساعة 3:25 ص | #20

    مساء الفل على أحسن شباب فى جمهورية مصر العربية كلها ….على بناة ومخططى المستقبل …بجد منورين الدنيا كلها أسمحولى أقدم نفسى انا أحمد كمال كنت زميل لدفعة تانية تخطيط 2008 فى سنة أولى …بجد الكلية جامده جدا والشباب والدكاتره اللى فيها أجمد شباب ودكاتره فى مصر كلها
    وخاصة الدكتور الفاضل د/ طارق أبو السعود برنس تخطيط والله …..تحياتى لدفعتى لكليتى الى وحشانى أوى واصحابى اللى واحشنى أكتر …يريت تقبلونى ضيف خفيف معاكو

  21. يوليو 31, 2008 الساعة 7:27 ص | #21

    يا جماعة انا عاوز اسأل س ؤال واحد هو اللى بيتخرج من الكلية بتاعتكو دى بيطلع ايه بالظبط معندس معمارى ولا مهندس تخطيط فى الاحياء والمدن
    بجد
    بجد بجد يا ريت تردوا عليا ضرورى جدا جدا جدا جدا

    باااااااااااااااااااااااااااااااااااااااااااااااااااااااااااااااااااااااااااااااى

  22. ابراهيم الطاهر
    أغسطس 4, 2008 الساعة 9:05 ص | #22

    السلام عليكم
    صدفه عرفت بوجود مخططين اخيرا تحياتي لكم جميعا من القلب للعلم انا خريج الكليه 97 تحياتي للدكتور احمد وجيه ولكل المشاركين ويارب نشوف خريجين الكليه فى الامام دائما

  23. أغسطس 7, 2008 الساعة 5:39 ص | #23

    منتدى الكلية

    http://www.furp.net.tc

  24. Abeer
    أغسطس 7, 2008 الساعة 4:36 م | #24

    انا مبسوطة اوى علشان لقيت حد اخيرا بيتكلم عن اعظم كلية في الجمهورية وانا فخورة جدا بانتمائى اليها انا طالبة فيها دخله سنة ثانية ونجحت في سنة اولى بتقدير جيد جدا ادعولى السنة الجية اجيب امتياز وانا معجبة جدا بطريقة التدريس في الكلية وبسلم على كل هيئة التدريس وخصوصا المهندسة: ايمان عزت اللى ساعدتنا كتير وبتمنالها التوفيق

  25. tit0
    أغسطس 8, 2008 الساعة 1:43 ص | #25

    باريت حد من طلبه تخيط عمرانى يفدنى ويقولى لازم للكليه اختبارات علشان جاتى فى التنسيق

    tit0_soft@yahoo.com
    momo_noha2000@hotmail.com

  26. أغسطس 9, 2008 الساعة 9:34 م | #26

    متأخر جداً كالعادة..لنبدأ إذن علي الفور :

    مُحســـن :
    مين اللي جاب سيرة سيجما يا واد ؟!..أنتا بتتلكك ؟!…
    علي فكرة فيه سؤال لازم أسألهولك : مش هتعمل مدونـــة بقي؟!

    ماهــر عمران :
    اخ..شكلك ضللت الطريق ؛ صحيح احنا انفردنا بنتيجة التيرم الأول ، لكن نتيجة التيرم التاني لا لأسباب اكتئابيــه !..معلش..خيرها في غيرها..والنتايج جايه كتير !

    م.خالد الشافعي :
    منــور يا بشمهندس..الشرف عظيم ويتعاظم لعمـري !

    اي حد :
    يارب تكون نجحت !

    أحمد كمال :
    انتا رحت فين يا عم !

    إسلام :
    متهيألي أنا رديت عليك ببريد إلكتروني في ساعتها ؛ وبعدين السؤال ده خلاص مات بقي !

    م.ابراهيم الطاهــر :
    منــور يا بشمهندس..أنا سعيد ببشاعه !

    شباب تخطيط :
    ماشي ماشي إعلانات وبتاع…ممكن أشيله علي فكرة بس هسيبه بمزاجي !

    عبــير :
    مخُططة أخري ..قدامــك سنة تانية بقي كلها..ابقي بصي ع الشاسيهات بتاعتي اللي بره واتعلمي ..بس بلاش اقتباس هه؟..منوره ..:)

    تيتـو :
    جاتلك في التنسيق ؟
    ابتدت اسوأ كوابيسك يا معلم ..ربنا يكون في عونــك..إنا لله وإنا إليه رجعون ..
    هئ..
    اللي اعرفـه يا ابني والله ان مفيش اختبارات السنة دي..لكن الله اعلم من السنين اللي جايه ممكن يبقي فيه اختبارات قدرات..وساعتها الكورسات هتشتغل بقي !

  27. باتمان
    أغسطس 27, 2008 الساعة 10:42 ص | #27

    هاى انا طالب فى كلية تخطيط وانا سعيد بالكلية طبعا وحببها جدا وسعيد ان فى ناس بتتكلم عنها بالفخر ده بس واضح ان حضرتك متواضع جداااااااااااااااااااااااااااااااااااااااااااااااااااااااااااااااااااااااااااااا يا باش مهندس احمد على فكرة انا وصلنى اخبار ان العميد اتغير وجت مكانه د/وفاء عامر هل هذا صحيح

  28. heba youssef
    أكتوبر 20, 2008 الساعة 11:24 ص | #28

    اريد التحدث الي د/ أحمد وجيه

    انا مهندسة هبة خريجة كلية التخطيط عام 2005 واعمل الان كمساعد باحث في الكلية
    ولقد شرُفت بتدريس سيادتكم لدفعتي
    والحقيقة سيادتك كنت ولازلت علامة مضيئة في تاريخ الكلية
    اذكر ان انا اول مرة كنت اسمع عن موضوع gis كان من سيادتكم
    ولقد صادفني الحظ واخذت نسخة من cd لبرنامج gis من سيادتكم
    ولكني كنت احب ان اسال سيادتكم لماذا ولم تركتم الكلية؟
    وهل حينما يتوافر لدينا احد اعضاء هيئة التدريس الممتازين يقابلوننا بالسفر الي احد الدول العربية تاركين هذا الصرح العلمي الكبير , اتساءل لماذا ؟
    ارجو من سيادتكم التكرم بالرد علي سؤالي حتي يتضح لنا الرؤية
    وذا انتهز هذه الفرصة لاعبر عن مدي شكري وتقديري وامتناني لسيادتكم , ارجو من الله دوام التوفيق والنجاح

  29. heba youssef
    أكتوبر 20, 2008 الساعة 11:26 ص | #29

    اميلي هو
    hopapopus@hotmai.com

  30. مصطفى محسن مصطفى
    فبراير 2, 2009 الساعة 9:51 ص | #30

    أين نتيجة سنة أولى

  31. عمر
    فبراير 18, 2009 الساعة 6:28 م | #31

    ياجماعة اولا مساء الخير على الحلوين الي موجودين وانا واثق انكوا هتفهموني طبعا ربنا معاكوا انا زيملكوا عمر في سياحة وفنادق انهاره في موضوع غريب شوية ياريت لو واحد او واحده فعلاا تساعدني فيه ولوطلب عنيا بعدها مش خساره فيه لنبدأ الموضوع طبعا احب اديكو فكره بسيطه انا انسان طول عمره كان عايش في حلم او يمكن وهم لغاية نا قبلت ولاء اسم جميل قبلتها ويارتني ما شفتها من ساعتها لا عارف انام ولا اذاكر ولا اشرب ولا اكل عرفت بعدين انها دخلت كلية تخطيط عمراني في القاهره هيا شهادة معادله واخذه الثانوية من الامارات ياريت الي قلبه عنده رحمه ولقها ولو بصدفه ده اميلي يديها الاميل ده وسعتها انا مش عارف هعمل ايه للانسان ده يارب تفهموني واتمنا انكو تتفهمو كلامي صح وده اميلي omar_guda90@hotmail.cm على فكره هيا في سنه اولى

  32. فبراير 18, 2009 الساعة 7:07 م | #32

    عمر بيه : أيوة بقي قصص الحب دي وبتـاع، مضطر أتدخل للأسف عشان انت فكرتني بفيلم serendipity بس !
    هحتاج اسمك بالكامل..واسمها طبعاً، مع تأكيد انها في الفرقة الأولي، وتأكيد تاني بأنها تعرفك كويس عشان مش طالبة مواقف سخيفة..
    راسلني علي ahmedmagdy43@hotmail.com وسأعاونك ان شاء الله…
    أعز أصدقائي بالمناسبة يدرس في سياحة وفنادق، وربما يظهر هنا قريباً ليجر شكلك.. :D

  33. عمر
    فبراير 18, 2009 الساعة 10:48 م | #33

    طبعا اشكرك يا احمد بيه على ردك الجميل ده واتمنالك التوفيق انتا والي زيك ان شاء الله . انا ضفتك عندي وارجو يا استاذ احمد ان تفتحلي صدرك عشان احكيلك على الموضوع بكل صراحه ووضوح …………. اتمنالك التوفيق وانا في انتظارك….على الاميل………….. عمر

  34. malak
    مارس 5, 2009 الساعة 5:32 م | #34

    السلام عليكم جميعا
    انا طالبة معكم فى الكلية فى الفرقة الرابعة
    ومبسوطة جدا عشان لقيت ناس بتتكلم عن الكلية بتاعتى
    وا ن شاء اللة هبقى اتكلم معاكم
    وتحياتى لكل البشمهندسين وخصوصا البشمهندس احمد

  35. عمر
    مارس 7, 2009 الساعة 4:16 م | #35

    يارتني كنت معاكم

  36. عمر
    مارس 10, 2009 الساعة 9:49 م | #36

    فينك يا أحمد من زمان

  37. MEMO
    مارس 16, 2009 الساعة 12:26 ص | #37

    شباب تخطيط منتدى الكليه http://WWW.FURP.NET .TC

  38. محمد
    مارس 17, 2009 الساعة 12:19 م | #38

    ما هو موقع الدكتور طارق ابو السعود ياشباب

  39. مايو 29, 2009 الساعة 6:36 م | #39

    السلام عليكم
    انا طالبة في كلية هندسة جامعة القاهره و عيزه حد يفدني ويقولي ينفع انقل لكليتكم و لا لأ انا في قسم طيران بس عملت وقف قيد لأن القسم ده صعب جدا و مكنتش عيزاه وكنت عيزه عماره او مدني بس مجموعي مجبش و طبعا تحويل مسار اتلغي عندنا ومش ادامي إلا ان اروح اي محافظه و ده صعب بس يا ريت حد يفدني ينفع انقل او لأ ويريت حد يديني فكره عامه عن مواد الكلية وطبيعتها

  40. hmm
    يونيو 4, 2009 الساعة 1:55 م | #40

    الرد على هالة محمود

    طبعا يا هالة ممكن تنقلى للكلية و طبعا هيسعدنا انك تكونى معانا

    الكلية باختصار تهتم بعلوم التخطيط العمرانى و التصميم الحضرى و هى الكلية الوحيدة على مستوى الشرق الاوسط التى متخصصة فى المجال دة , و هتحبى جدا الدراسة فيها

    ومدة الدراسة بها خمس سنوات ويمكنك الحصول على بكالوريوس التخطيط العمرانى بعد مدة الدراسة وبها اقسام (التصميم العمرانى , التخطيط العمرانى , علوم اساسية وهندسية , تنيمية اقليمية ) ويتحدد القسم فى سنة خامسة على اساس مشروع التخرج

    تم انشاء كلية التخطيط الاقليمى والعمرانى فى اطار اتفاق للتعاون التكنولوجى بين مصر وايطاليا وقد اتفق الجانبان المصرى والايطالى فى 30 اكتوبر 1977 على ان ينشىء الجانب المصرى معهدا جديدا على مستوى الجامعة يتبع جامعة القاهرة

    وبدات الدراسة بالمعهد من العام الدراسى 78- 1979 بالمقر السابق بشارع الجلاء وبعد اعتماد اللائحة الجديدة تحول المعهد الى كلية تتكون من اربعة اقسام وتم الانتقال للمبنى الجديد بحرم جامعة القاهرة عام 1991

    وتمنح الكلية شهادة البكالوريوس فى التخطيط الاقليمى والعمرانى بعد فترة خمس سنوات من الدراسة فى مختلف التخصصات الاساسية فى التخطيط والعلوم الهندسية والاجتماعية والاقتصادية كما تمنح الكلية دبلوم الدراسات العليا فى التخطيط العمرانى والماجستير ودكتوراه الفلسفة فى التخطيط العمرانى

    وتعاقبت على عمادة الكلية ثلاثة من الاساتذة وهم
    الاستاذ الدكتور محمود يسرى حسن ( 1989 – 1993 ) الاستاذ الدكتور محمد طاهر الصادق ( 1993 – 1994 ) الاستاذ الدكتور عبد المحسن برادة ( 1994 حتى تاريخه )

    وللكلية قنوات علمية مشتركة مع معهد التخطيط العمرانى بباريس ومع بعض الجامعات الامريكية وتخرجت اول دفعة من طلابه عام 1983 وكان عددهم اربعين طالبا

    كلية التخطيط العمرانى تمنح هذه الكلية بكالريوس التخطيط الاقليمى والعمرانى وهى مسجلة فى نقابة المهندسين المصرية شعبة العمارة والتخطيط وتهتم الدراسه فى هذه الكلية باقل الوحدات السكنية حتى اكبرها

    وفى معلومات ممكن تفيد عن الكلية على الموقع الرسمى لجامعة القاهرة

    كليه التخطيط الاقليمي و العمراني بجامعة القاهرة و الدرجه العلمية بكالوريوس التخطيط و الاقسام بها 1- قسم التخطيط الاقليمي و هو قسم يساعد الطلبه على تعلم كيفيه اعداد الدراسات الاقليميه و ما هي اساليب اعداد الاستراتيجيات و المخططات الاقليميه

    2- قسم تخطيط المدن يساعد الطلبه على دراسة كيفيه اعداد مخططات المدن الجديدة و دراسه المدن القائمه و اساليب التعامل مع المناطق العمرانيه بشكل عام

    3- قسم التصميم العمراني و هو اكثرهم امتاعا في رايي يتيح الفرصة للتعرف على كيفيه تصميم العمران على مستوى مجاورة سكنية مثلا او قريه سياحية و ما الي ذلك من مشاريع في هذا الحجم و كذلك يتميز بتدريس كورسات في علم ال landscape و تخطيط المواقع و طريقة تحليلها و دراسات الحفر و الردم و ما الى ذلك

    4 – قسم علوم اساسيه و هو قسم مساعد و لا يلتحق به الطلبه و لكنه يقدم المواد المساعدة للتخطيط مثل الهندسه المساحية و دراسات التربه و شبكات الصرف و المياه ……الخ

    و الدراسه عمليه و خلال الاربع سنوات الاولي يتعرف الطالب على كل ما يخص التخطيط بمستوياته المختلفه من خلال العمل كمجوعات في مشروعات مختلفة حتى يعتاد الطالب على الاسلوب العلمي في جمع البيانات و تحليلها و الوصول لقرارات و مخططات و يقوم اعضاء هيئة التدريس بالمتابعة و التقيييم الدوري كل اسبوع و عمل مناقشات مفتوحه على مستوى الدفعة الواحدة و في اخر كل كورس يقوم الطلبه باعداد اللوحات النهائية للمشاريع ثم تقييم و اهم ما يميز هذه الدراسه هي اعتماد الطلبه على انفسهم اغلب الوقت في جمع و تحليل البيانات و اعداد المخططات مع اشراف هيئه التدريس الدوري مما يؤهلهم للعمل بشكل واقعي بعد ذلك
    ثم في العام الخامس يقوم الطالب باختيار قسم للدراسة و اختيار مشروع التخرج في هذا القسم و يختار بعض المواد المشتركة مع الاقسام الاخرى كمواد مساعدة و يقوم يتحديد مشروع التخرج و العمل به بعد اختيار مشرف من اعضاء هيئه التدريس للحصول على درجة البكالوريوس

    باختصار هي كليه معنيه بكل ما يخص التخطيط العمراني بكل مستوياته . جدير بالذكر ان الدراسه باللغه العربيةبالكليه و ارجو من الله ان اكون اتحت الفرصة للتعرف على هذه الكليه .

  41. no name
    يوليو 27, 2009 الساعة 2:29 م | #41

    انا اتقبلت في كلية الفنون التطبيقيه جامعة حلوان و عايزه احول لكلية التخطيط العمراني جامعة القاهره …ممكن؟ انا مجموعي بالظبط الحد الدنى للقبول في كلية التخطيط العمراني و لو ممكن احول اعمل ايه بالظبط ياريت رد سريع و اكيد وشكرااااااااااااااا على كل حال

  42. أغسطس 5, 2009 الساعة 7:52 م | #42

    انا عمرو انا طالب جديد ومش عارف الكليه د لها شغل ف الخاااااااااارج ممكن حد يرد عليه

  43. س د
    أغسطس 9, 2009 الساعة 10:15 ص | #43

    الرساله دي للدكاتره اللي مايعرفوش حال الطلبه …
    ياريت قبل ما يفكروا يصححوا الأمتحانات اننا مش من مستواهم يعني احنا لسه بنتعلم …وكمان يدوا درجات بسخاء …لأن في طلبه كتير بتتظلم و مبتاخدش حقها ..وانا واحد منهم ..شلت مادتين ظلم ايوه والله ظلم …بسبب قرارات فاشله منهم …يعني ناس اشتكت من درجاتها فقللوا درجات الدفعه كلها عشانهم و زودوا درجاتهم ..الحكايه دي اتكررت معايا مرتين .. رغم اني كنت ملتزم جدا في المادتين جدا ….فين الضمير يا دكاترة قسم التصميم العمراني …
    بطلوا ظلم حرام عليكم ضيعتونا
    انتوا ايه ؟ مش خايفين على أولادكم ؟
    طالب مظلوم

  44. ms
    أغسطس 11, 2009 الساعة 5:09 م | #44

    انا طالبة في كلية تخطيط وانا نفسي الاقي محاضرات الفرقة الثالثة 2009 عشان اخد فكرة قبل مدخولها ياريت حد يساعدني عشان انا تعبت من التدوير اوي ……………..
    اتمنى ان حد يرد عليا
    وبصراحة نفسي اعرف مين البشمهندس احمد اللي كل
    الناس ما شاء الله بتحبه بيفكرني ببشمهندس عاصم ربنا يخلهولنا يا رب

  45. nemo
    أغسطس 15, 2009 الساعة 1:18 ص | #45

    ياجماعة بليززززززززززززززززززززززززززززززززززززززززززززززززززززززززززززززززز عايزززز اعرف انا جالى تخطيط عمرانى هل لوجبت تقدير فى اولى تخطيط احول هندسة

  46. nemo
    أغسطس 15, 2009 الساعة 1:20 ص | #46

    ياجماعة فين الرددددددددددددددددددددددد
    بس الرد يكون موثوق فية باللة عليكم

  47. mena sarwat
    أغسطس 15, 2009 الساعة 10:04 م | #47

    أنا كانت جتلى كلية العلوم و كنت عايز أحول الى كلية التخطيط الاقيمى والعمرانى مع العلم اللى أنا جايب الحد الادنى لمجموع الكلية دى هل أجد صعوبة فى الالتحاق لهذة الكلية

  48. fisha
    أغسطس 18, 2009 الساعة 5:59 م | #48

    انتوا عالم وسخة كلكوا و الناس اللي بتشكر في الكلية دي عالم معفنة و نصيحة محدش يدخل الكلية دي عشان دي اوسخ كلية في التاريخ

  49. dedo
    أغسطس 18, 2009 الساعة 6:25 م | #49

    و الله كلية زبالة و الطلبة فيها زبالة و محدش بيساعد حد انا طالب في سنة vرابعةوالدكاترة فيها زبالة و خصوصا د طارق ابو السعود اللي مابيفهمش اي حاجة و عامل فيها حلال المشاكل (طارق علام) و هو كيس جوافة علي فكره ده اسم د طارق الجديد طارق علام ههههههههههههههههههههههههههههههههه

  50. ms
    أغسطس 21, 2009 الساعة 12:58 م | #50

    الله يسامح اي حد بشتم في الكلية او في الدكاترة او الطلبة بجد ربنا يسامحكو
    طب منا في الكلية مش مفروسة من الكلية زيكو كده ليه
    انا بجد بكون في عز تعبي وقرفي وبالذات وانا بسلم المشروعات وابقى نفسي اشتم في الكلية بس ارجع واقول الحمد لله

    بجد الكلية دي علمتني كتير واللي بيقول محدش بيساعد حد دي اكتر حاجة كويسة في الكلية دي ان كل الناس بتساعد بعضها ولو حد مبيسعدش هتلاقي مليون واحد يساعدك

    وفي اي كلية زي مفي الوحش في الحلو

    كفاية انك لو وقعت من طولك تعرف ان كل الناس هتسعدك حتى لو ميعرفوكش
    وان الدفعة بتعتك حتى لو وحشةوفيها حبة نفسنة حلوين ساعةالجد هتبقى كلها ايد واحدة

    وانا بتكلم عن تجربة
    اما بالنسبة للدكاترة عموما فانا بجد شيفاهم ناس محترمة وعندهم ضمير ولو حتى مثلا يعني
    جيت تسلم على واحد منهم ومعبركش ونفضلك وبقى منظرك فظيع قدام الناس
    اكيد هتتضايق موت وهتبقى نفسك تقتلو بس ترجع وتفتكرلو اما كان بيشرح مرة واتنين وثلاثة واما كان بيموت نفسو عشان يفهمك لغاية مصوتوا يروح
    او لما يملي الدفعة كلمة كلمة ويجيب الاسئلة زي المحاضرات بالظبط عشان ميعقدناش
    وفي النهايةبديلو اعذار واسمحوا واقول مهو التطنيش مبيلزقش

  51. ms
    أغسطس 21, 2009 الساعة 1:10 م | #51

    وانا بقول للناس اللي بتشتم في الكلية او الدكاترة ولاي حد بيشتم
    بجد استغفر ربنا عشانك

    اصل مش معقول تبقى قرفان من حد ومتضايق وعلى اخرك وكمان تخذ ذنوب بسببه مش كده ولا ايه

    وانا بجد بقولوا كده عشان انتو زي اخواتي

    وربنا يكرمنا و يهدينا جميعا ويجعل شهر رمضان كلو خير وسلام ومغفرة

    وكل عام وانتو بخير

  52. no name
    أغسطس 21, 2009 الساعة 4:10 م | #52

    انا طالبه جديده في كلية التخطيط العمراني و عايزه حد يقوللي ايه المواد اللي في الكليه او حتى يعرفني هي مواد ادبيه ولا علميه و هما كام ماده ونظام الامتحانات بمعنى اول امتحان بيكون امتى و نظام الدراسه في كل ماده و بس كده ……………….. شكرا

  53. ms
    أغسطس 23, 2009 الساعة 6:57 م | #53

    انا كان نفسي افيدك يا no name بس انا في الفرقة الثالثة ولسه السنة اللي فاتت غيروا نظام التدريس و الامتحانات تماماوبقى نظام غريب جدا بصراحة مجربتوش فمعرفش هو حلو ولا لا

    بس متخفيش ربنا هيسترها ان شاء الله واتمنى ان حد من اولى يكون عندو الخبرة اللازمة ويفيدك

  54. طارق الخبيري
    أغسطس 26, 2009 الساعة 2:05 ص | #54

    اولا احب اهني بالمدونة دي اول مرة فعلا اشوفها ودة من سوء حظي
    ثانيا رمضان كريم ومتاخرة بس اعذروني
    ثالثا لازم يكون في مراجعة للتعليقات قبل ما تنزل عشان ماتكونش المدونة ساحة للردود بين الناس او نلجا لاسلوب الشتايم للدكاترة اول الكلام الفاضي دة اللي الدكاترة اكبر منة علي فكرة انا مش منهم انا لسة معيد
    رابعا اتمني اني اقدر اساعدكم باي شيئ ودة ميلي لو حد عاوز يسال عن الكلية هكون مستعد لكل اسئلتة وابحث كمان عن اللي مش عارف اجابتها كمساهمة مني للمدونة واعتذار عن تاخري في معرفتها
    tarekkhabiry@yahoo.com
    وهرحب باي اضافة بس يوضح بس هوة مين عشان ما اتلخبطش
    وشكرا واسف للاطالة
    eng\tarek el khabiry
    F.U.R.P

  55. mona
    أغسطس 30, 2009 الساعة 4:31 ص | #55

    انا جديدة على الساحة وعايزة اعرف
    لونجحت صافى فى اولى تخطيط ينفع احول كلية هندسة

  56. mona
    أغسطس 30, 2009 الساعة 4:33 ص | #56

    ممكن الرد بسرعة ياجماعة
    pleaseeeeeeeeeeeeeeeeeeeeeeeeeeeeeeeeeeeeeeeeeeeeeeee

  57. س د
    سبتمبر 12, 2009 الساعة 11:49 ص | #57

    هاي يا جماعه بيقولوا كليتنا هيظهر مرض جديد فيها اسمه انفلونزا الكلاب
    واحتمال يلغوها السنه دى خلوا بالكوا
    من المصابين بالمرض ده
    دكتور محمد ر ودكتور علاء ى وتأثير المرض هيوصل لكل الدفعات

  58. سوسو
    سبتمبر 19, 2009 الساعة 4:34 ص | #58

    انا طالبة بالكلية واحب اضيف نفسى معاكو وارد على اى اسئلة عن الكلية اللى انا منها واللى لو كنت دخلت كلية غيرها كنت هزعل اوى

  59. سوسو
    سبتمبر 19, 2009 الساعة 4:50 ص | #59

    ياجماعة انا بشكرا حمد اوى على المدونة الجميلة واناعايزاة فى موضوع مهم جدا للغاية وايميلى هو sammar_moon76@yahoo.com وياريت تراسلنى يااحمد ضرورى لموضوع هام للغاية

  60. أكتوبر 5, 2009 الساعة 4:00 م | #60

    هو بالنسبة لموضوع مراجعة التعليقات ده فأنا بعتذر عشان مش هقدر أعمله لأسباب خاصة

  61. رؤة
    أكتوبر 6, 2009 الساعة 7:08 م | #61

    اناطالبة فى اولى تخطيط بس خايفة موووووووت الجو مختلف تماما انا مش عارفة اتعرف على حد خالص بس بصراحة الكلية عجبانى اوى بسبب دكتور طارق ابو السعود والله بجد ده اجمل انسان بس احمد انا عندى سؤال
    خريجن الكلية الشغل ليهم متوافر ولا فى صعوبات و وسايط وحاجات من دى ولا ايه؟
    معلش هتقل عليك انا مس تنية ردك ضرورى واتمنى اكون صديقة دائمة معاكم فى المنتدى الجميل ده

  62. أكتوبر 6, 2009 الساعة 8:02 م | #62

    هو مش رد عليكي انتي يا رؤة مخصوص بس عموما : بتفكروا في الشغل من دلوقتي وانتوا في سنة اولي؟ كل واحد داخل سنة أولي بيسأل ع الشغل؟ امال بيقولوا شباب مصر مش بخير لية؟

    والله مقدرش أتنبأ لك بحال سوق العمل بعد خمس سنوت من دلوقتي -لما تتخرجي يعني- مش يمكن تقوم حرب، ولا يحصل غزو فضائي، ونصنا يموت؟ مين هيهتم بالتخطيط العمراني ساعتها؟

    تابعي المدونة كمان كام يوم هكتب نصايح لطلبة سنة اولي

  63. نوفمبر 3, 2009 الساعة 1:58 م | #63

    السلام عليكم ورحمة الله وبركاته
    الاخوه الافاضل الاخ المكرم م احمد صاحب المدونه ….تحيه طيبه وبعد
    سرني جدا في الاونه الاخير كثرة صفحات الانترنت والتي تعتني وتهتم بموضوع التخطيط العمراني خاصه لان المخطط ان لم يفهم دورة الحقيقي في حياة المجتمع لكن يكون الا شخص مؤذي يعكر صفو الحياة اليوميه للفرد والمجتمع والمدينة بل الدوله باكملها حيث ان مهنة التخطيط هي عبارة عن خطه بسيطه لحركة وحياة الناس وتوفير السكن والخدمة لهم ولقد شرفت بدارستي للتخطيط طبعا المجموع اجبرني لكن بعد فهمي للدور البارز لهذه المهنه عشقتها واصبحت حياتي وششغلي الشاغل والحمد لله اعطي في مجالي قدر طاقطي ولا اشكر نفسي ولا اذكي علي الله احد.
    لكن من يقرأ رسالتي ينتظر معرفة من هو الشخص المتحدث لكن قبل ذلك دعوني اعتزر لدخولي في الموضوع بدون تعرف نفسي
    الاسم : محمد نور
    المهنه: مهندس تخطيط عمراني
    التخرج: قسم التخطيط العمراني جامعة الازهر عام 99
    خبراتي: 11 عام من التمرس في المهنة من خلال مصر والسعودية وليبيا والحمد لله لي مشروعات لا اقول مميزه لكن ابرزها مسابقة لتخطط مدينة المستقبل التابعة للمقاولين العرب شرفت بالعمل بها من خلال مكتب الدكتور ايمن عاشور استاذ العمارة ج عين شمس حيث حصلنا علي الجائزة الثانية طبعا الخواجه يكسب زي النهاردة قريت خبر اعلان مسابقة تخطيط ميدان رمسيس طبعا مكتب اجنبي فرنسي وانا حاليا في التأهب للعمل مع المكتب الفرنسي الفائز لكن من خلال مشروع اخر في السعودية تخطيط مدينة جديده علي شاطئ نصف العمر بمدينة الخبر وان شالله ادعولي اكون مثال جيد لمخططي مصر في هذا المشروع.
    وفي النهاية اخاف ان اطيل عليكم واتمني اصدقاء من مهنتي ويسعدني مراسلاتكم وشكرا
    م. محمد نور
    Daralbenaa_cg@yahoo.com
    اعمل بمكتب استشاري بالرياض حاليا

  64. نوفمبر 3, 2009 الساعة 2:01 م | #64

    اعتذر للاخطاء الاملائية بتعليقي السابق وسامحوني
    نور

  65. sahwa
    ديسمبر 5, 2009 الساعة 5:36 م | #65

    انا في سنه اولي وعايزه اقول ان الكليه حلوة جداااا وانا بحبها قوي ومبسوطه جدا اني دخلتها والدكاتره كويسين جدا واي حد يقول غير كده ما بيفهمش حاجه خالص

  66. ديسمبر 5, 2009 الساعة 7:15 م | #66

    صدقيني يا (سهوة) لما تقولي : اي حد يقول غير كده يبقي مابيفهمش حاجه خالص.
    بنبسط! حقيقي بنبسط لأني بعرف قد ايه الطريق سهل!
    ربنا يكمل الكلية بشبابها.

  67. maher
    ديسمبر 24, 2009 الساعة 8:00 م | #67

    بسم االه الرحمن الزحيم
    اححب اقول ان ربنا يوفق الكل وادعولى انجح انا فى سنه تاتة

  68. urban designer
    يناير 15, 2010 الساعة 5:43 م | #68

    ازيكوا ياجماعة ياللي في تخطيط وياللي مش فيها بردو .انا سعيدة جدا بالمدونة دي واللي اجتمع فيها طلبة كل الدفعات على فكرة انا طالبة في الكلية دي واللي عمري ما توقعت اني ادخلها اصلا يلا بس هو النصيب جه كده, وعشان مطولش انا من المدافعين عن الكليه ومحبينها بس حبتها دلوقتي اكتر رغم اني طالع عيني فيها بس يارب يجي بفايدة ,وسلامي لدكتور احمد وجيه والبشمهندش طارق الخبيري وليك يا صاحب المدونة يا بشمهندس احمد مجدي وان شاء الله نتعرف عن قريب وادعولي ياجماعة ياجماعة امتحانات التيرم بكره وربنا يستر

  69. J,J,
    فبراير 22, 2010 الساعة 2:04 م | #69

    حرام الى بيحصل فى الكلية الكوسة دى احنا بيطلع عينا وعدم مراعاة المجهود والله يسامحه الدكتور هشام البرملجى

    • J,J,
      فبراير 22, 2010 الساعة 2:07 م | #70

      الدكتور هشام البرملجى كويس جدا وممتاز وبيعطى دراجات كويسه جدا

  70. محمد عوده
    مايو 24, 2010 الساعة 2:26 م | #71

    دعواتكم للفرقه الخامسه تخطيط عمرانى 2010 خارج منها مخطيطن مصر فى المستقبل

  71. دعاء
    يوليو 5, 2010 الساعة 7:49 م | #72

    اى حد يقولى النتجية ظهرت ولا لسه ممكن اى حد يبعتها لى على الايميل urbandesign54

  72. ريم
    يوليو 22, 2010 الساعة 4:30 م | #73

    ياجماعة لوسمحت انا حالياطالعة ثالثة سنوى وجبت فى سنة ثانية84% ممكن اعرف لوانا شديت جامد فى المذاكرة ممكن ادخل كلية التخطيط لوسمحت حد يرد عليا بسرعة انا اسفة

  73. سالي
    أغسطس 16, 2010 الساعة 5:49 م | #75

    انا مبسوطة جدااااااااا بالمدونة..انا مش حرغي كتير ولا حقول الكلية حلوة ولا وحشة انا اللي حقولو ببساطة ان اللي مدخلش تخطيط يبقا معاشش فالدنيا ده من اصلو :DD
    مهو التخطيط ببساطة اساس حياتنا كلنا..اما عن الروح والدكاترة والمعيدين فالافترا حرام يا جماعة ده ميمنعش ان في ظلم احيانا بس ده موجود ووارد فكل حتة عشان احنا بشر مش ملايكة..بجد الكلية جميلة واجمل ما فيها ان كل مادا بتتحسن..وبعدين بعد خبرة 3 سنين فالكلية اقدر اقول اننا وبلا فخر بقينا مقاومين للماء والنار والرصاص والنوم والجوع والبرد والحر واي حاجة تانية ما عدا الحاجات المتعلقة بالشغل والتسليمات :DD
    كل سنة وانتو طيبين

  74. NO NAME
    أغسطس 24, 2010 الساعة 10:51 م | #76

    ممكن لو سمحت اعرف مواد سنة ثالثة فى الائحة الجديدة ايه وهل احنا بنتخرج مهندسين فى شهادة التخرج وشكرا

  75. نوفمبر 6, 2010 الساعة 9:31 م | #77

    انا خريخ الكلية دفعة 1985م والحمد لله عملت فى كل المجالات واكثر خبرة من اى زميل لنا من خريجى كليات الهندسة سواء مدنى او عمارة

  76. محتار وخايف
    يوليو 30, 2011 الساعة 8:35 م | #78

    انا محتار ادخل الكلية دي ولا ايه وخايف من انها تكون صعبة وميكنش ليها مستقبل
    ارجوكوا يا اصحاب الخبرة قولولي الحقيقة وبكل صراحة
    ثانيا هل ممكن احول منها الي كلية هندسة في بلدي انا مش من القاهرة

  77. محتار وخايف
    يوليو 30, 2011 الساعة 8:36 م | #79

    هي الكلية دي تتطلب لغات ولا ايه

  78. يوليو 23, 2012 الساعة 4:21 ص | #80

    أنا بقى أكيد أصغر واحدة فيكم بعمل رغباتي الأيام دي..أنا حابة التخطيط العام وبستشيركم هي احسن واللا هندسة عمارة؟؟بس أنا حاسة انى حبقى احسن في التخطيط ان شاء الله

  79. يوليو 24, 2012 الساعة 1:40 م | #81

    هي الدراسه في تخطيط عمراني بالعربي و لا بالانجليزي

  80. أغسطس 25, 2012 الساعة 3:56 ص | #82

    بالعربي

  81. يوليو 7, 2013 الساعة 1:42 ص | #83

    It is appropriate time to make a few plans for the future and it is time to
    be happy. I have read this submit and if I may just I wish to counsel you few fascinating issues or suggestions.
    Maybe you could write subsequent articles relating to this article.
    I want to read even more things approximately it!

  1. أكتوبر 10, 2009 الساعة 6:22 م | #1

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل الخروج / تغيير )

Twitter picture

You are commenting using your Twitter account. تسجيل الخروج / تغيير )

Facebook photo

You are commenting using your Facebook account. تسجيل الخروج / تغيير )

Google+ photo

You are commenting using your Google+ account. تسجيل الخروج / تغيير )

Connecting to %s

Follow

Get every new post delivered to your Inbox.

%d bloggers like this: